اخر اخبار المشاريع

السلام عليكم ورحمة الله وبركاته

العام الدراسى الاخير (ان شاء الله ) بدأ

هو اكيد فى ناس بدأت تحضر من زمان بس هو كده خلاص بدأنا فى الجد

واكبر جد فى السنه دية هو المشروع

والنظام كان متلخبط شوية فى حتة المشاريع بالنسبة للائحة القديمة والجديدة

بس الحمد لله (وعسى ان تكرهوا شيئا وهو خير لكم)

هو الفرق بس

· ان درجة المشروع بالنسبة للائحة القديمة 200 درجة
و للائحة الجديدة 150 درجة
· المشروع بالنسبة للائحة القديمة فى الترم الاول والتانى
انما بالنسبة للائحة الجديدة الترم التانى
· مناقشة المشروع للائحة القديمة فى يوم و للائحة الجديدة فى يوم تانى
· اقل عدد طلاب فى المشروع 2 واكثر عدد 8 , بس الدكتور سيد سلام كان بيقول 5
بس على ما اظن ان الدكتور المشرف على المشروع بيكون ليه رأى فى الموضوع ده
,لان مشاريع الكنتروال بتكون مكلفة شوية خاصة اللى بيكون فيها جهاز plc وده من كلام الناس اللى خلصت
· الشكل النهائى للمشروع هيكون ملك الكلية ولن يسمح بأخذ اى اجزاء من المشروع , وده لان فى ناس عملت الموضوع ده السنه اللى فاتت بس ما اخدوش الشهاده الا بعد لما رجعت الاجزاء اللى اخدوها والكلام ده من كلام واحد صاحبى عامل مشروع موجود فى المعمل عبارة عن مروحه كبيرة لتبريد تنك لخطوط انابيب البترول

دية الحاجات اللى الواحد توصل ليها من فترة

انما بالنسبة لامكانية ان الناس من لائحة قديمة يعملوا مشاريع مع لائحة جديدة
فالموضوع عادى بس زى ما قلت فى الاختلافات فوق , وفى ناس اشتغلت وربنا يوفقهم .

الاهم فى الموضوع ان الدكتورة امانى فاجأتنا فى محاضرة انهارده
وقالت اننا قدمنا لغاية يوم الاحد القدام علشان نعمل ورقة نقدمها لرئيس القسم
فيها

1. اسم المشروع بالعربي والانجليزى
2. اسم الدكتور المشرف عن المشروع
3. اسماء الطلاب المشتركون فى المشروع

وقالت ان هيبقى فى 5 حالات

1. انك تقدم الورقة مفهاش حاجه ناقصه من مشروع ودكتور وجروب
2. انك تجيب جروب وتجيب دكتور ومفيش مشروع (هيقترحوا عليكم مشروع تنفذوه والكلام ده هيتحدد كمان شهر تقريبا)
3. انك تجيب مشروع وجروب بس ما مفيش دكتور ( هيوفروا لكم دكتور)
4. انك تجيب مشروع ودكتور بس مفيش جروب (هيجمعوا الناس اللى ملهاش جروب وعجابهم المشروع مع بعض)
5. انك لا يكون معاك مشورع ولا دكتور ولا جروب(هما هيظبطوا الموضوع ده)

ده بالنسبة للائحة قديمة

والدور على اللائحة الجديدة بكرة الاربعاء زى ما قالت, بس مش عارف ايه الوضع؟؟

المهم بعد كل الكلام الكتير ده الناس اللى مش من الحالة الاولى يحاولوا يكونوا من الحالة الاولى وربنا يكرم الجميع

واسف على الاطالة

شكرا لك اخى الكريم على هذا التوضيح

حسام كتب:: شكرا لك اخى الكريم على هذا التوضيح

العفو بس ربنا يسهل والواحد يلحق يختار مشاروع لان الوقت ضيق جدا

عدد الرسائل : 15 تاريخ التسجيل : 30/09/2008

thanks

قمر المنتدى كتب:: thanks

العفو ,,
وربنا يوفقنا فى المشروع